A.R. மூவி பேரடைஸ் சார்பில் ஆவுடைத்தாய் ராமமூர்த்தி தயாரித்துள்ள திரைப்படம் ‘களத்தூர் கிராமம்’.
இத்திரைப்படத்திற்கு இசை இசைஞானி இளையராஜா, இது இசைஞானி அவர்களுக்கு 1001-வது திரைப்படமாகும். ஒளிப்பதிவு – புஷ்பராஜ், படத் தொகுப்பு – சுரேஷ் அர்ஸ், கலை – தோட்டா தரணி, பாடல்கள் – தாமரை, நா.முத்துக்குமார், மதன் கார்க்கி, சண்டை பயிற்சி – மகேஷ், நடனம் – தினேஷ், தயாரிப்பு – ஆவுடைத்தாய் ராமமூர்த்தி. எழுத்து, இயக்கம் – சரண் K.அத்வைதன்.
இந்தப் படத்தில் ‘16 வயதினிலே’, ‘கிழக்கே போகும் ரயில்’, ‘மகாநதி’ போன்ற வெற்றி படங்களை தயாரித்த ஸ்ரீஅம்மன் கிரியேஷன்ஸின் தயாரிப்பாளர் S.A ராஜ்கண்ணு அவர்களின் மகன் மிதுன் கதாநாயகனாக நடித்துள்ளார். நாயகியாக ரஜினி மஹாதேவ் {உதயா டிவி செய்தி வாசிப்பாளர்} நடித்திருக்கிறார்.
இவர்களோடு கிஷோர், யாஜ்னா ஷெட்டி ஆகியோரும் முக்கிய கதாபாத்திரங்களில் நடித்துள்ளனர். இதன் படப்பிடிப்பு முடிவடைந்து தற்போது இறுதிக்கட்ட பணிகள் நடைபெற்று வருகின்றன.
இப்படத்தின் பின்னணி இசை சேர்ப்பின்போது படத்தைப் பார்த்த இசைஞானி இளையராஜா, படத்தின் கிளைமாக்ஸ் காட்சியை கண்டு கண்கலங்கி இயக்குநரை கட்டிப் பிடித்து பாராட்டியிருக்கிறார்.
படம் விரைவில் திரைக்கு வரவிருக்கிறது.
