சில ஆண்டுகளுக்கு முன்பாக கடலூரில் நடந்த மனதை உலுக்கும் உண்மை சம்பவமாகிய குழந்தை திருட்டை மையமாக வைத்து உருவாகியுள்ள படம் ‘ஜோதி.’
இந்தப் படத்தை எஸ்.பி.ஆர். ஸ்டூடியோ புரொடெக்சன்ஸ் நிறுவனத்தின் சார்பில் பிரபல படத் தொகுப்பாளரான எஸ்.பி.ராஜா சேதுபதி தயாரித்துள்ளார்.
இந்தப் படத்தில் வெற்றி நாயகனாக நடிக்கிறார். மேலும் ஷீலா, கிருஷா குரூப், மைம் கோபி, எஸ்.பி.ராஜா சேதுபதி, இளங்கோ குமரவேல் மற்றும் பலர் நடித்துள்ளனர்.
எழுத்து, இயக்கம் – ஏ.வி.கிருஷ்ண பரமாத்மா, ஒளிப்பதிவு – சேஷையா, படத் தொகுப்பு – சத்யமூர்த்தி, இசை – ஹர்ஷவர்த்தன் ரமேஷ்வர், பாடல்கள் – கார்த்திக் நேத்தா, நடன இயக்கம் – சுவி குமார், சண்டை பயிற்சி இயக்கம் – ஆர்.சக்தி சரவணன், ஒலி வடிவமைப்பு – டி.உதயகுமார், கிராபிக்ஸ் – Getin dreams studio, DI Colorist – sriram, தயாரிப்பு நிர்வாகம் – கெளரி சங்கர், புகைப்படங்கள் – அஜீத், விளம்பர வடிவமைப்பு – பிரவீன் குமார், பத்திரிகை தொடர்பு – சி.எம்.வின்சன்.
கடலூர் அரசு மருத்துவமனையில் நடந்த குழந்தை கடத்தல் சம்பவம்தான் இந்தப் படத்தின் மையக் கரு. இந்தக் கருவில் உதிர்ந்த கதையோடு, சஸ்பென்ஸ், திரில்லரோடு சேர்ந்த திரைக்கதையில் இந்தப் படம் உருவாகியிருக்கிறது.
இந்த ஜோதி படத்தை டிக் டாக் பிரபலமான ஜி.பி.முத்து பார்த்துவிட்டு படத்தையும், படக் குழுவினரையும் வெகுவாக பாராட்டியுள்ளார்.
“படத்தில் இருக்கும் சஸ்பென்ஸ் கடைசிவரையிலும் நீடித்திருக்கிறது. எதிர்பாராத சில திருப்பங்களும் படத்தை கடைசிவரையிலும் பார்க்க வைக்கிறது.
இதுவரையிலும் நம் நாட்டில் 11ஆயிரம் குழந்தைகளை கடத்தியிருக்கிறார்கள். அதில் இன்றுவரையிலும் 10,800 குழந்தைகள் கண்டு பிடிக்கப்படாதது வேதனைக்குரிய ஒன்று.
இன்றைக்கு நம் நாட்டிற்கு இது தேவையான கதைதான். குழந்தைகளை கடத்தி விற்கும் கும்பல் இன்று அதிகமாகிக் கொண்டிருக்கும் சூழ்நிலையில் இந்தப் படம் நம் நாட்டுக்கு நிச்சயமாக தேவையான படம்தான்…” என்றார் ஜி.பி.முத்து.
