UK Creations நிறுவனத்தின் சார்பில் தயாரிப்பாளர் K.பாலாஜி தயாரிக்க, R.சின்னப்பன், நதீஷ்.A ஆகியோர் இணை தயாரிப்பு செய்யும் புதிய திரைப்படம் ‘ஃபேமிலி படம்’.
இப்படத்தில் நாயகனாக ‘டைனோசர்ஸ்’ பட நாயகன் உதய் கார்த்திக் நடிக்கிறார். நாயகியாக சுபிக்ஷா நடிக்கிறார். இவர்களுடன் விவேக் பிரசன்னா, பார்த்திபன், ஶ்ரீஜா, சந்தோஷ், மோகன சுந்தரம், RJ பிரியங்கா, ஜனனி ஆகியோர் முக்கிய கதாப்பாத்திரங்களில் நடிக்கிறார்கள்.
ஒளிப்பதிவாளர் மெய்யேந்திரன் ஒளிப்பதிவு செய்கிறார். அனிவீ இசையமைக்கிறார். K.P.நந்து கலை இயக்கம் செய்கிறார். R.சுதர்ஷன் படத்தொகுப்பு செய்கிறார்.
ஒரு குடும்பத்தில் இருக்கும் மூன்று அண்ணன் தம்பிகள், வாழ்வில் ஜெயிக்க போராடுகிறார்கள். அவர்களுக்குள் நிகழும் சண்டைகள், காதல், காமெடி என அனைத்தும் கலந்த ஒரு அழகான குடும்பத்தின் வாழ்க்கையை, அற்புதமான ஃபீல் குட் எண்டர்டெயினர் படமாக உருவாக்குகிறார் அறிமுக இயக்குநரான செல்வக்குமார் திருமாறன். இப்படம் குடும்பத்தோடு அனைவரும் பார்த்து ரசிக்கும் ஜனரஞ்சக படைப்பாக இருக்குமாம்.
அழகான ஃபீல் குட் எண்டர்டெயினர் படமாக உருவாகவிருக்கும் இந்த ‘ஃபேமிலி படம்’ படத்தின் படப்பிடிப்பு, படக் குழுவினர் கலந்துகொள்ள, எளிமையான பூஜையுடன் நேற்றைக்கு சென்னையில் துவங்கியது.
இப்படத்தின் முதல் கட்டப் படப்பிடிப்பு சென்னையில் முடிந்த பின்பு, படத்தின் முக்கியமான சில காட்சிகளை மதுரையில் படமாக்க படக் குழு திட்டமிட்டுள்ளது.
படத்தின் ஃபர்ஸ்ட்லுக் மற்றும் படம் குறித்த மற்ற தகவல்கள் விரைவில் அதிகாரப்பூர்வமாக அறிவிக்கப்படும்.
