ஸ்கிரீன் லைட் பிலிம்ஸ் நிறுவனம் தயாரிக்கும் திரைப்படம் “ஒரே பேச்சு, ஒரே முடிவு”!
இந்தப் படத்தில் புருஸ்லீ ராஜேஷ் கதாநாயகனாக நடிக்க, கதாநாயகியாக ஸ்ரிதா சுஜிதரன் நடிக்கிறார். இவர்களுடன் தலைவாசல் விஜய், சம்பத் ராம், மீசை ராஜேந்திரன், ஐ.எம்.விஜயன், கராத்தே ராஜா ஆகியோரும் நடித்துள்ளனர்.
கதை, திரைக்கதை, வசனம் எழுதி, இயக்கியுள்ளார் இயக்குநர் வி.ஆர்.எழுதச்சன். ஒளிப்பதிவு – ஆதர்ஷ் பி.அனில், இசை – யூ.எஸ்.டீக்ஸ், பத்திரிக்கை தொடர்பு – கோவிந்தராஜ்.
ஒரு வாட்ஸ்அப் குரூப்பில் இணையும் கதாநாயகன், அந்த குரூப்பில் தனது பள்ளிப் பருவ காதலி இருப்பதை அறிந்து, அவளை சந்திக்க அவள் கணவன் இல்லாத நேரத்தில் செல்கிறான். அப்போது அங்கு நடக்கும் ஒரு சம்பவத்தை மையமாக வைத்து, படத்தை விறுவிறுப்பாக இயக்கியுள்ளார் பிரபல மலையாள இயக்குநர் வி.ஆர்.எழுதச்சன்.
ஐந்து சண்டைக் காட்சிகள், இரண்டு பாடல்களுடன் உருவாகியிருக்கும் இந்த “ஒரே பேச்சு, ஒரே முடிவு” திரைப்படம் விரைவில் திரைக்கு வருகிறது!