இயக்குநர் மிஷ்கின் முதன்முறையாக இசையமைக்கும் ‘டெவில்’ படத்தின் படப்பிடிப்பு தீவிரமாக நடைபெற்று வருகிறது..!
மாருதி பிலிம்ஸ் நிறுவனத்தின் சார்பாக தயாரிப்பாளர் R.ராதாகிருஷ்ணன் தயாரிப்பில் ‘சவரக்கத்தி’ இயக்குநர் ஆதித்யா இயக்கத்தில் உருவாகும் திரைப்படம் ‘டெவில்’.
இப்படத்தில் விதார்த், பூர்ணா மற்றும் ஆதித் அருண் நடிக்கின்றனர். மிக முக்கியமான திருப்புமுனை கதாப்பாத்திரத்தில் இயக்குநர் மிஷ்கினும் நடிக்கின்றார். இவர்களுடன் சுபஸ்ரீ ராயகுரு இந்தப் படத்தில் நடிகையாக அறிமுகமாகிறார்.
‘மாறா’, ‘குதிரைவால்’ ஆகிய திரைப்படங்களுக்கு ஒளிப்பதிவு செய்த கார்த்திக் முத்துகுமார் இப்படத்தின் ஒளிப்பதிவாளராக பணியாற்றுகிறார். ‘வால்டர்’, ‘செல்ஃபி’ படங்களைத் தொகுத்த S.இளையராஜா படத் தொகுப்பாளராகவும், மரியா கெர்ளி கலை இயக்கத்தையும் செய்கிறார்கள்.
தமிழின் மிக முக்கியமான இயக்குநரான மிஷ்கின் முதன்முறையாக இந்த ‘டெவில்’ மூலமாக இசையமைப்பாளராக அறிமுகமாகிறார். மிஷ்கின் இதற்கு முன் பல படங்களில் பாடல்களை எழுதியுள்ளார். பாடியுள்ளார். அது மட்டுமன்றி அவர் இயக்கிய படங்களில் பின்னணி இசையில் அவரது பங்கு முக்கியமானது.
தற்போது இந்த ‘டெவில்’ படத்திற்கு முத்தான 4 பாடல்களை கொடுத்துள்ளார். விரைவில் இப்படத்தின் பாடல்களை வெளியிட படக் குழுவினர் முடிவு செய்துள்ளனர்.
