லெமன் லீப் கிரியேசன்ஸ் நிறுவனத்தின் சார்பில் தயாரிப்பாளர் R.கணேஷ்மூர்த்தி, G.சவுந்தர்யா மற்றும் நீலம் புரொடக்சன்ஸ் நிறுவனத்தின் சார்பில் தயாரிப்பாளரும், இயக்குநருமான பா.இரஞ்சித் ஆகியோர் இணைந்து தயாரித்துள்ள திரைப்படம் ‘புளூ ஸ்டார்’.
இந்தப் படத்தில் அசோக் செல்வன், கீர்த்தி பாண்டியன், சாந்தனு, பிரித்வி, திவ்யா துரைசாமி, லிசி ஆண்டனி, அருண் பாலாஜி மற்றும் பலர் நடித்துள்ளனர்.
தமிழ் அழகன் ஒளிப்பதிவு செய்திருக்கும் இப்படத்திற்கு கோவிந்த் வசந்தா இசையமைத்திருக்கிறார். செல்வா படத் தொகுப்பு செய்ய, ரகு கலை இயக்குநராக பணியாற்றியுள்ளார்.
இயக்குநர் பா.இரஞ்சித்தின் உதவி இயக்குநரான ஜெய்குமார் இயக்கும் இப்படத்தின் திரைக்கதை மற்றும் வசனத்தை இயக்குநர் ஜெய்குமார் மற்றும் தமிழ் பிரபா இருவரும் இணைந்து எழுதியிருக்கிறார்கள்.
இந்திய இளைஞர்கள் வாழ்வில் நீங்காத இடம் பிடித்துள்ள கிரிக்கெட் விளையாட்டு மற்றும் அதைச் சுற்றி நடக்கும் நட்பு, காதல் என்று முழுக்க ஜனரஞ்சகமான படமாக உருவாகியிருக்கிறது இந்த ‘புளூ ஸ்டார்’ திரைப்படம்.
இந்தப் படத்தில் நாயகன், நாயகியாக நடித்திருந்த அசோக் செல்வனும், கீர்த்தி பாண்டியனும் சமீபத்தில்தான் காதல் திருமணம் செய்து கொண்டார்கள் என்பது தெரிந்ததுதான்.
வரும் ஜனவரி 25-ம் தேதி வெளியாகும் இந்தப் படத்தை சக்தி பிலிம் பேக்டரி வெளியிடுகிறது.
