ஹாலிவுட் தரத்தில் உருவாகியிருக்கும் ‘அனுக்கிரகன்’ திரைப்படம்

ஹாலிவுட் தரத்தில் உருவாகியிருக்கும் ‘அனுக்கிரகன்’ திரைப்படம்

‘அனுக்கிரகன்’ படத்தின் பர்ஸ்ட்லுக் போஸ்டரை நடிகை ஐஸ்வர்யா ராஜேஷ் தனது ட்விட்டர் பக்கத்தில் இன்று வெளியிட்டுள்ளார்.

இப்படத்தை மிகப் பெரிய பொருட்செலவில் சக்தி சினி புரொடக்சன்ஸ் பிரைவேட் லிமிடெட் நிறுவனத்தின் சார்பில் தயாரிப்பாளர்கள் டாக்டர்.முருகானந்தம் மற்றும் சண்முகப்பிரியா இருவரும் இணைந்து தயாரித்திருக்கிறார்கள்.

படத்தின் பிரதான கதாபாத்திரத்தில் முரளி ராதாகிருஷ்ணன் நடித்துள்ளார். இவர் ஜீ தமிழ் தொடர்களில் நடித்து புகழ் பெற்றவர். அஜய் கிருஷ்ணா இன்னொரு பிரதான வேடத்தில் நடித்திருக்கிறார். ‘நாடோடிகள்’ படம் முதல் ஒரு திருப்பு முனையான வாய்ப்புக்காக காத்திருப்பவர் இவர்.  நடிகை ஸ்ருதி ராமகிருஷ்ணா முக்கிய வேடத்தில் நடித்துள்ளார். இவர் சில கன்னட, தமிழ்ப் படங்களில் நடித்துள்ளவர்.  இன்னொரு முகம் தீபா. தமிழ் தெலுங்கில் நடித்திருக்கும் இளம் நடிகை இவர்.

‘ரெக்க’ படத்தில் ‘கண்ணம்மா கண்ணம்மா’ பாடலிலும், ‘மாரி’ படத்தில் தனுஷின் மகனாக நடித்த சிறுவன் ராகவனும் இதில் நடித்துள்ளார். மேலும் பல அனுபவமுள்ள நடிகர்களும் நடித்திருக்கிறார்கள்.

ஒளிப்பதிவு – வினோத் காந்தி,  இசை – ரெஹான், படத் தொகுப்பு S.K.சதீஷ் குமார், நடன இயக்கம்  – ரமேஷ் கமல். 

இப்படத்தை சுந்தர் கிரிஷ் இயக்கி இருக்கிறார். அவர் மிராஜ் பிலிம் இன்ஸ்டிடியூட்டில் இயக்கம், திரைக்கதை எழுதுதல், ஸ்டோரி போர்டு உருவாக்குதல் போன்றவற்றைக் கற்றிருக்கிறார்.

திரைப்படப் படப்பிடிப்புகளுக்குச் சென்று நடைமுறை அனுபவத்தையும் உற்று நோக்கிக் கற்றுக் கொண்டிருக்கிறார். பல பயிற்சிப் பட்டறைகளில் கலந்து கொண்டு திரைக்கலை கற்றவர் இவர்.

அனுக்கிரகன்’ என்றால் ‘அருள்’ அல்லது ‘ஆசீர்வாதம்’ எனப் பொருள் உண்டு. இறைவனின் ஆசீர்வாதமாகவே மாறிய ஒரு மகனைப் பற்றிய கதைதான் இந்த ‘அனுக்கிரகன்’ திரைப்படம்.

திரைக்கதையில் ஒரு புதுமை செய்து ஹாலிவுட் தரத்தில் உருவாக்கியுள்ள படமாக  இந்த ‘அனுக்கிரகன்’ உருவாகியுள்ளது.

இந்த ‘அனுக்கிரகன்’ படத்தில் கதாநாயகன், நாயகி போன்ற வழக்கமான சூத்திரங்களில் நடிகர்கள் இருக்க மாட்டார்கள். கதைக்கேற்ற நாயகர்களாக இருப்பார்கள்.

படத்தில் மொத்தம் ஆறு பாடல்கள். மூன்று பிரதான பாடல்களும். மூன்று தீம் சொல்லும் பாடல்களும் உண்டு.

நடுத்தர வயதுள்ள அனைவரையும் தனது பால்ய காலத்துக்குத்  திரும்பிப் பார்க்க வைக்கும் ஒரு கதையாக இப்படம் உருவாகி இருக்கிறது. விரைவில் திரைகளில் உணர்வுகளைத் தொட வருகிறான் ‘அனுக்கிரகன்’.

இப்படத்தின் பர்ஸ்ட்லுக் போஸ்டரை நடிகை ஐஸ்வர்யா ராஜேஷ் தனது ட்விட்டர் பக்கத்தில் இன்று வெளியிட்டு, படக் குழுவுக்கு வாழ்த்து தெரிவித்து உள்ளார்.

விரைவில் இந்தப் படத்தின் ட்ரெய்லர், ஆடியோ வெளியீட்டு விழா நடைபெறவுள்ளது.

 
Our Score