ஒன்றல்ல, இரண்டல்ல.. தமிழ், மலையாளம், தெலுங்கு, கன்னடம், ஹிந்தி என ஐந்துமொழிகளில் ‘அகல்யா’ என்கிற ஹாரர் மூவி தயாராக உள்ளது.
இந்தப் படத்தை தயாரித்து இயக்குகிறார் இயக்குநர் ஷிஜின்லால். இவர் மலையாளத்தில் நிறைய விளம்பரப் படங்களை இயக்கிய அனுபவம் உள்ளவர்.. ‘அகல்யா’ படத்தின் மூலம் திரையுலகில் இயக்குநராக அறிமுகமாகிறார்.
இந்த ஹாரர் த்ரில்லர் டைப் படத்தில் சோனியா அகர்வால் கதாநாயகியாக நடிக்கிறார். படத்தில் கதாநாயகனே இல்லை என்பது ஒரு ஹைலைட்டான விஷயம். இது தவிர இன்னொரு தென்னிந்திய சினிமா பிரபலம் இந்தப்படத்தில் கெஸ்ட் ரோலில் நடிக்க இருக்கிறார். அது யாரென்பது இப்போதைக்கு சஸ்பென்ஸ் என்கிறார் இயக்குநர் ஷிஜின்லால்.
ஒளிப்பதிவு – சுரேஷ் பத்மநாபன், இசை – அதிஷ் உத்ரியன், படத் தொகுப்பு & VFX – பில் சார்ட்டே & டீம், நடனம் – L.K.ஆண்டனி, சண்டை பயிற்சி – தவசி ராஜ். தயாரிப்பு நிறுவனம் – சகரம் பிலிம் கம்பெனி கதை, திரைக்கதை, வசனம் – சிபின் ஷா, இணை தயாரிப்பு – சஜூ எஸ்.சத்யன், தயாரிப்பு, இயக்கம் – ஷிஜின்லால்.
கதை, திரைக்கதை, வசனத்தை சிபின் ஷா எழுதியுள்ளார். வழக்கமாக தமிழ் மற்றும் மலையாள சினிமாக்களில் நாம் பார்க்கும் ஹாரர் படங்களை போல இல்லாமல், ஹாலிவுட் பாணியில் மிரட்டலான ஹாரர் படமாக இது உருவாக இருக்கிறது. மலையாள சூப்பர்ஸ்டார் மோகன்லால் இந்தப் படத்தை துவக்கி வைத்துள்ளார்.
இந்தப் படத்தின் பூஜை இன்று ஏவி.எம்.ஸ்டுடியோவில் நடைபெற்றது. இதில் படக் குழுவினருடன் படத்தின் நாயகி சோனியா அகர்வால், நடிகர் ஜே.கே.ரித்தீஷ் உள்ளிட்ட திரையுலக பிரமுகர்கள் பலரும் கலந்து கொண்டனர்.
இந்தப் படத்தின் வி.எப்.எக்ஸ் மற்றும் படத் தொகுப்பு பணிக்காக ஹாலிவுட் கலைஞர்கள் டீம் பணியாற்ற இருக்கின்றனர்.
ஒரே நேரத்தில் தமிழ், மலையாளம் என இரு மொழிப் படமாக உருவாகும் இந்தப் படம், கன்னடம், தெலுங்கு, ஹிந்தியில் மொழி மாற்றம் செய்து வெளியிடப்பட இருக்கிறது.
