சோனி லிவ் ஓடிடியின் சமையல் நிகழ்ச்சியில் சமந்தா!

உலகம் முழுவதும் ரசிகர்களை ஈர்த்த ‘Master Chef’ சமையல் நிகழ்ச்சியின் தமிழ் பதிப்பு, தற்போது தமிழ் ரசிகர்களின் உணவு, கலாச்சாரம் மற்றும் உணர்வுகளுடன் இணைந்து புதிய வடிவில் உருவாகியுள்ளது.

Sony Pictures Networks India சார்பில் உருவாகும் ‘Celebrity MasterChef Tamil’ நிகழ்ச்சியை நடிகை சமந்தா ரூத் பிரபு முன்னெடுக்கிறார்.

தமிழர்களின் உணவு ரசனையும், பாரம்பரிய சமையலும், பிரபலங்களின் தனிப்பட்ட அனுபவங்களும் ஒன்றிணையும் வகையில் இந்த நிகழ்ச்சி வடிவமைக்கப்பட்டுள்ளது.

சமையலை மையமாகக் கொண்ட போட்டியாக மட்டுமல்லாமல், பிரபலங்களின் மற்றொரு முகத்தையும் ரசிகர்களுக்கு அறிமுகப்படுத்தும் பொழுதுபோக்கு நிகழ்ச்சியாகவும் இது அமைய உள்ளது.

சமையலறைக்குள் களமிறங்கும் தமிழ் பிரபலங்கள்

தமிழ் திரையுலகம் மற்றும் பொழுதுபோக்கு துறையைச் சேர்ந்த பல முன்னணி பிரபலங்கள் இந்த நிகழ்ச்சியில் பங்கேற்று தங்களது சமையல் திறமையை வெளிப்படுத்த உள்ளனர்.

இதுவரை திரையில் ரசிகர்கள் பார்த்திராத வகையில், பிரபலங்கள் சமையலறைக்குள் போட்டியாளர்களாக களமிறங்கி பல்வேறு சவால்களை எதிர்கொள்ள உள்ளனர்.

சமையல் திறமை, படைப்பாற்றல், நேர மேலாண்மை மற்றும் சுவையைத் தாண்டி, ஒவ்வொரு போட்டியாளரின் தனிப்பட்ட அணுகுமுறையும் இந்த நிகழ்ச்சியில் முக்கியத்துவம் பெறும் என எதிர்பார்க்கப்படுகிறது.

பாரம்பரிய தமிழ் உணவுகள் முதல் புதிய சமையல் முயற்சிகள்வரை பல்வேறுவிதமான உணவு வகைகள் இந்த நிகழ்ச்சியில் இடம்பெற உள்ளன.

போட்டியாளர்கள் எதிர்பாராத சவால்களை சந்திக்கும் தருணங்களும், சமையலறையில் உருவாகும் நகைச்சுவை மற்றும் உணர்வுபூர்வமான நிகழ்வுகளும் நிகழ்ச்சிக்கு கூடுதல் சுவை சேர்க்க உள்ளன.

‘MasterChef’க்கு தமிழ் சுவை

உலகளவில் பிரபலமான ‘Master Chef’ வடிவத்தை அப்படியே வழங்காமல், தமிழ் பார்வையாளர்களின் ரசனைக்கு ஏற்ற வகையில் உள்ளூர் கலாச்சாரம் மற்றும் உணவுப் பாரம்பரியத்துடன் இணைத்து ‘Celebrity Master Chef Tamil’ உருவாக்கப்பட்டுள்ளது.

தமிழர்களின் சமையல் என்பது வெறும் உணவு தயாரிப்பைத் தாண்டி குடும்பம், உறவு, நினைவுகள் மற்றும் கொண்டாட்டங்களுடன் பின்னிப் பிணைந்தது.

அந்த உணர்வை நிகழ்ச்சியின் முக்கிய அம்சமாகக் கொண்டு, உணவு வழியாக பிரபலங்களையும் ரசிகர்களையும் இணைக்கும் முயற்சியாக இந்த நிகழ்ச்சி அமைய உள்ளது.

“இதுவரை செய்தவற்றிலிருந்து முற்றிலும் வேறுபட்டது” – சமந்தா

நிகழ்ச்சியை முன்னெடுப்பது குறித்து நடிகை சமந்தா ரூத் பிரபு கூறும்போது, ‘”Celebrity MasterChef Tamil’ தாம் இதுவரை செய்த பணிகளில் இருந்து முற்றிலும் மாறுபட்ட அனுபவம்” என்று தெரிவித்துள்ளார்.

உணவு என்பது மக்களை ஒன்றிணைக்கும் சக்தி கொண்டது என்றும், அழகான நினைவுகளை உருவாக்குவதோடு, கேமராக்கள் வழக்கமாக வெளிப்படுத்தாத மனிதர்களின் இன்னொரு பக்கத்தையும் வெளிக்கொண்டு வரும் தன்மை கொண்டது என்றும் அவர் குறிப்பிட்டுள்ளார்.

தமிழ் பிரபலங்கள் சமையலறைக்குள் நுழைந்து புதிய முயற்சிகளை மேற்கொள்வதையும், தவறுகளைச் செய்து அதிலிருந்து கற்றுக் கொள்வதையும், தங்களையே ஆச்சரியப்படுத்தும் வகையில் சமையலில் ஈடுபடுவதையும் பார்க்க ஆவலாக இருப்பதாகவும் சமந்தா தெரிவித்துள்ளார்.

சமையலில் ஈடுபடுவதையும் பார்க்க ஆவலாக இருப்பதாகவும் சமந்தா தெரிவித்துள்ளார்.

நிகழ்ச்சியில் பங்கேற்கும் பிரபலங்களின் பெயர்களை இப்போதே வெளியிட முடியாதது குறித்து குறிப்பிட்ட அவர், அதில் இருக்கும் ஆச்சரியமும் சுவாரஸ்யமும் ரசிகர்களுக்கான எதிர்பார்ப்பை அதிகரிக்கும் என்றும் தெரிவித்துள்ளார்.

Sony VIZHA-வில் பிரம்மாண்ட அறிமுகம்

‘Celebrity MasterChef Tamil’ நிகழ்ச்சி Sony VIZHA-வின் முக்கிய பொழுதுபோக்கு நிகழ்ச்சிகளில் ஒன்றாக ஒளிபரப்பாக உள்ளது.

இதனுடன் Sony LIV மற்றும் சமூக வலைதளங்கள் உள்ளிட்ட டிஜிட்டல் தளங்களிலும் நிகழ்ச்சியைச் சுற்றிய பிரத்யேக குறும்படங்கள், சிறப்பு காணொளிகள் மற்றும் கூடுதல் உள்ளடக்கங்கள் வெளியாக உள்ளன.

போட்டியாளர்களின் சமையல் பயணம், அவர்கள் எதிர்கொள்ளும் சவால்கள், வெற்றி மற்றும் தோல்வி தருணங்கள், சமையலறையில் உருவாகும் எதிர்பாராத சம்பவங்கள் என நிகழ்ச்சியின் திரைக்குப் பின்னால் நடைபெறும் பல்வேறு சுவாரஸ்யங்களையும் ரசிகர்கள் டிஜிட்டல் தளங்களில் காண முடியும்.

தமிழ் பொழுதுபோக்குக்கு புதிய அடையாளம்

தமிழ் கலாச்சாரம், கதை சொல்லல், இசை, உணவு, திருவிழாக்கள் மற்றும் அன்றாட வாழ்க்கையை மையமாகக் கொண்டு தமிழ் ரசிகர்களுக்கான தனித்துவமான பொழுதுபோக்கு நிகழ்ச்சிகளை வழங்கும் நோக்கத்துடன் Sony VIZHA உருவாக்கப்பட்டுள்ளது.

‘விழா’ என்ற தமிழ் சொல்லின் கொண்டாட்ட உணர்வை மையமாகக் கொண்ட இந்த தளம், அசல் நிகழ்ச்சிகள், ரியாலிட்டி நிகழ்ச்சிகள், திரைப்படங்கள் மற்றும் சர்வதேச பொழுதுபோக்கு வடிவங்களை தமிழ் ரசிகர்களுக்கு வழங்கி வருகிறது.

‘Celebrity Master Chef Tamil’ மட்டுமின்றி ‘Tamil Idol’ போன்ற நிகழ்ச்சிகளின் மூலமாகவும், தமிழ் கலாச்சாரத்துடன் நெருக்கமான தொடர்பு கொண்ட புதிய தலைமுறை பொழுதுபோக்கை வழங்க Sony VIZHA திட்டமிட்டுள்ளது.

விரைவில் திரைக்கு வரும் சுவையான போட்டி

சமையல், சினிமா பிரபலங்கள், போட்டி, நகைச்சுவை, உணர்வு என பல அம்சங்களை ஒரே நிகழ்ச்சியில் இணைக்கும் ‘Celebrity MasterChef Tamil’, தமிழ் தொலைக்காட்சி ரசிகர்களுக்கு புதிய அனுபவத்தை வழங்கும் என எதிர்பார்க்கப்படுகிறது.

சமந்தா ரூத் பிரபு முன்னிலையில், தமிழ் திரையுலகின் பிரபலங்கள் சமையலறைக்குள் களமிறங்கும் ‘Celebrity MasterChef Tamil’ நிகழ்ச்சி விரைவில் Sony VIZHA மற்றும் Sony LIV தளங்களில் வெளியாக உள்ளது.