ஜி.எஸ். ஆர்ட்ஸ் நிறுவனத்தின் தயாரிப்பில், இயக்குநர் தினேஷ் இலெட்சுமணன் இயக்கத்தில் உருவான அதிரடி ஆக்ஷன் திரில்லர் ‘தீயவர் குலை நடுங்க’ திரைப்படம் நவம்பர் 21 ஆம் தேதி தமிழ், தெலுங்கு, மலையாளம், கன்னடம் என நான்கு மொழிகளில் உலகமெங்கும் வெளியாகிறது.
இதனை முன்னிட்டு படக் குழுவினர் பிரசாத் லேப் தியேட்டரில் பத்திரிக்கை மற்றும் ஊடக நண்பர்களை சந்தித்து படத்துக்கான அனுபவங்கள் மற்றும் தகவல்களை பகிர்ந்தனர்.
தயாரிப்பாளர் ஜி. அருள்குமார் பேசும்போது, “இந்த படம் எனது மிகப் பெரிய கனவு. அர்ஜுன் சாரை வைத்து படம் எடுப்பது பெரு மகிழ்ச்சி. படத்துக்கு உழைத்த அனைவருக்கும் நன்றி” என தெரிவித்தார்.
ஒளிப்பதிவாளர் சரவணன் அபிமன்யு பேசும்போது, “படம் மிக நன்றாக வந்துள்ளது. அர்ஜுன், ஐஸ்வர்யா ராஜேஷ் ஆகியோர் பெரும் ஆதரவு தந்தார்கள்” என்றார்.
நடிகர் லோகு பேசும்போது, “பெரிய நட்சத்திரங்கள் உள்ள இப்படத்தில் எனக்கு வாய்ப்பு தந்த இயக்குநருக்கும், தயாரிப்பாளரின் உழைப்புக்கும் எனது நன்றிகள்” என்றார்.
இசையமைப்பாளர் பரத் ஆசிவகன், “சினிமாவில் பல ஆண்டுகள் அசிஸ்டெண்டாகப் பணிபுரிந்த எனக்கு இங்கு கிடைத்த வாய்ப்பு மிகப் பெரியது. நான்கு பாடல்களும் மக்களுக்கு பிடிக்கும்” என்றார்.
தயாரிப்பாளர் பி.எல். தேனப்பன் பேசும்போது, “அர்ஜுன் சார் எப்போதும் அதே உற்சாகத்துடனே இருக்கிறார். ஐஸ்வர்யா ராஜேஷ் ஒரு படத்தை தேர்வு செய்வது itself ஒரு வெற்றி” எனப் பாராட்டினார்.
நடிகர் தங்கதுரை பேசும்போது, “சின்ன வயதில் அர்ஜுன் சார் போலீஸ் அதிகாரி என்று நாங்கள் நினைத்தோம். அவருடன் நடித்தது பெருமை” என்றார்.
நடிகை அபிராமி பேசும்போது, “இந்தப் படத்தில் அம்மா வேடத்தில் நடித்துள்ளேன். குழந்தைகள் வளர்ப்பு குறித்து நல்ல செய்தி சொல்லும் படம்,” என்றார்.
நடிகை பிரியதர்ஷிணி பேசும்போது, “நல்ல சமூக கருத்தை சொல்லும் திரைப்படம். அர்ஜுன் சார் மிகப் பெரிய இன்ஸ்பிரேஷன்” என்றார்.
எழுத்தாளர் அஜயன் பாலா பேசும்போது, “தமிழ் பெயரில் படம் வெளியிடும் தயாரிப்பாளர்களின் துணிச்சலுக்கு வாழ்த்துக்கள்” எனப் பாராட்டினார்.
இயக்குநர் எஸ்.ஆர். பிரபாகரன் பேசும்போது, “அர்ஜுன் சார் தென்னிந்தியாவின் மிகப்பெரிய ஸ்டார். ஐஸ்வர்யா ராஜேஷ் இன்று solo lead ஆக உயர்வது அவரின் உழைப்பு காரணம்” என்றார்.
திரையரங்கு உரிமையாளர் வி.எம். தேவராஜ் பேசும்போது, “படம் மிக அற்புதமாக வந்துள்ளது. அர்ஜுன் சார் தன் திறமையை மீண்டும் நிரூபித்துள்ளார்” என்றார்.
நடிகை ஐஸ்வர்யா ராஜேஷ் பேசும்போது, “உண்மை சம்பவத்தை அடிப்படையாகக் கொண்ட படம் இது. கதையை கேட்டபோது உடல் நடுங்கியது. அர்ஜுன் சார் உண்மையிலேயே ஜென்டில்மேன். படம் உங்கள் மனதில் நிச்சயம் பதியும்” என்றார்.
இயக்குநர் தினேஷ் இலெட்சுமணன் பேசும்போது, “15 வருட ஆசையின் நிறைவேற்றமே இந்த படம். அர்ஜுன் சார், ஐஸ்வர்யா மேடம் இருவரும் மிகப்பெரிய ஆதரவு தந்தவர்கள். படம் அனைவருக்கும் பிடிக்கும்” என்றார்.
நடிகர் அர்ஜுன் பேசும்போது, “இது எனக்கு முக்கியமான படம். தயாரிப்பாளர் அருள்குமார் சினிமாவை நேசிப்பவர். தினேஷ் மிகச் சிறந்த இயக்குநர். ஐஸ்வர்யா மற்றும் அனைத்து நடிகர்களும் அற்புதமாக நடித்துள்ளனர்” என்று கூறினார்.
சட்டத்தை தாண்டி நியாயம், நியாயத்தை தாண்டி தர்மம் — இறுதியில் தர்மமே ஜெயிக்கும் எனும் கருத்தை மையமாகக் கொண்ட இந்த ஆக்ஷன் திரில்லர் படம், நவம்பர் 21-ஆம் தேதி உலகமெங்கும் வெளியாகிறது.
