தமிழ் சினிமாவில், ‘இந்தியன்-2’, ‘வேட்டையன்’, ‘விடாமுயற்சி’ என இந்திய அளவில் எதிர்பார்ப்பை ஏற்படுத்தியிருக்கும் படங்களுடன், பல தரமான திரைப் படைப்புகளை வழங்கி வரும் இந்தியத் திரையுலகின் முன்னணி தயாரிப்பு நிறுவனங்களில் ஒன்றான லைகா புரொடக்ஷன்ஸ் நிறுவனம் சார்பில், தயாரிப்பாளர் சுபாஸ்கரன் ‘லாக்டவுன்’ என்ற படத்தினை பிரம்மாண்டமாகன செலவில் தயாரிக்கிறார்.
‘பிரேமம்’ படம் மூலம் கவனம் ஈர்த்து, தற்போது ‘தில்லு ஸ்கொயர்’ படம் மூலம், தென்னிந்திய சினிமாவை திரும்பி பார்க்க வைத்திருக்கும் நடிகை அனுபமா பரமேஸ்வரன், இப்படத்தில் முதன்மை பாத்திரத்தில் நடிக்கிறார். சார்லி, நிரோஷா, லிவிங்ஸ்டன் மற்றும் பல முன்னணி நட்சத்திர நடிகர், நடிகைகள் இப்படத்தில் நடிக்கின்றனர்.
N.R.ரகுநந்தன் மற்றும் சித்தார்த் விபின் ஆகியோரின் மயக்கும் இசையுடன், K.A.சக்திவேலின் அசத்தலான ஒளிப்பதிவில், இந்த “லாக் டவுன்” திரைப்படம் ஒரு அற்புதமான சினிமா அனுபவமாக இருக்கும்.
புதுமையான திரைக்கதையில் லாக் டவுன் காலகட்டத்தில் நடக்கும், ஒரு அழகான படைப்பாக உருவாகும் இப்படத்தினை அறிமுக இயக்குநர் A.R.ஜீவா இயக்குகிறார்.
இப்படத்தின் பர்ஸ்ட் லுக் பெரும் வரவேற்பைப் பெற்று, ரசிகர்களிடம் பெரும் ஆவலைத் தூண்டியுள்ளது.
விரைவில் படம் குறித்த மற்ற தகவல்கள் அதிகாரப்பூர்வமாக அறிவிக்கப்படும்.
