City light pictures தயாரிப்பில், முன்னணி இயக்குநர் சுசீந்திரன் இயக்கத்தில், இன்றைய நவ நாகரீக இளைஞர்களின் வாழ்வைச் சொல்லும் படைப்பாக, ரொமான்ஸ் ஜானரில் உருவாகும் திரைப்படமான, ‘2K லவ் ஸ்டோரி’ படத்தின் முழுப் படப்பிடிப்பும், நிறைவடைந்தது. படக் குழுவினர் 38 நாட்களில் மொத்தப் படப்பிடிப்பையும் முடித்து அசத்தியுள்ளனர்.
புதுமுக நாயகன் ஜெகவீர் நாயகனாக நடித்துள்ள இப்படத்தில் மீனாட்சி கோவிந்தராஜன் நாயகியாக நடித்துள்ளார். இவர்களுடன் பால சரவணன், ஆண்டனி பாக்யராஜ், ஜெயப்பிரகாஷ், வினோதினி, சிங்கமுத்து, ஜி.பி.முத்து மற்றும் பல முன்னணி நட்சத்திரங்கள் இணைந்து நடித்துள்ளனர்.
இயக்கம் – சுசீந்திரன், ஒளிப்பதிவு -V.S.ஆனந்த கிருஷ்ணன், இசை – டி.இமான், பாடல் வரிகள் – கார்த்திக் நேதா, எடிட்டர் – தியாகு, கலை – சுரேஷ் பழனிவேலு, நடனம் – ஷோபி பால்ராஜ், ஆடை வடிவமைப்பாளர் – மீரா, போஸ்டர் வடிவமைப்பாளர் – கார்த்திக், தயாரிப்பு நிர்வாகி -T.முருகேசன், தயாரிப்பாளர் – விக்னேஷ் சுப்ரமணியன், பத்திரிக்கை தொடர்பு – சதீஷ் (AIM), மார்க்கெட்டிங் & புரமோசன் – DEC.
இயக்குநர் சுசீந்திரன் மற்றும் D.இமான் இணையும் 10-வது திரைப்படம் இதுவென்பது குறிப்பிடத்தக்கது. City light pictures சார்பில் விக்னேஷ் சுப்ரமணியன் இப்படத்தை தயாரிக்கிறார்.
தமிழ் திரையுலகில் தனித்துவமான படைப்புகள் மூலம், ரசிகர்களின் மனதை வென்ற, இயக்குநர் சுசீந்திரன் நீண்ட இடைவேளைக்குப் பிறகு, ரொமான்ஸ் ஜானரில், இப்படத்தை இயக்கியுள்ளார். 2K தலைமுறையின் காதல், நட்பு, என அவர்களது வாழ்வை பிரதிபலிக்கும் அழகான படைப்பாக இப்படம் உருவாகி வருகிறது.
வெட்டிங் போட்டோஃகிராஃபி எடுக்கும் ஒரு குழு இளைஞர்களின் வாழ்வில் நடக்கும் சம்பவங்களை அடிப்படையாகக் கொண்டு, அனைவரும் ரசிக்கும் வண்ணம், இப்படத்தின் திரைக்கதை அமைக்கப்பட்டுள்ளது.
சமீபத்தில் துவங்கப்பட்ட இப்படத்தின் படப்பிடிப்பு, கோயம்புத்தூர் மற்றும் சென்னையில் ஒரே கட்டமாக நடத்தி முடிக்கப்பட்டுள்ளது. திட்டமிட்ட காலக்கட்டத்திற்கு முன்பாகவே 38 நாட்களில் படப்பிடிப்பை முடித்து, அசத்தியுள்ளது படக் குழு.
இப்படத்தின் ஃபர்ஸ்ட்லுக் டீசர் மற்ற தகவல்கள் விரைவில் அதிகாரப்பூர்வமாக அறிவிக்கப்படும்
