வம்சி இயக்கத்தில் விஜய் நடிப்பில் உருவாகியுள்ள ‘வாரிசு’ திரைப்படம் தமிழ் மட்டும் தெலுங்கில் ஒரே நேரத்தில் வெளியாகிறது. தெலுங்கில் ‘வரசுடு'(Varasudu) என்ற பெயரில் இந்த படம் வெளியாகிறது.
தமிழில் ஜனவரி 11-ம் தேதி வெளியாகும் என அறிவிக்கப்பட்ட நிலையில் தற்போது தெலுங்கு பதிப்பான ‘வரசுடு’ 3 நாட்கள் கழித்துதான் வெளியாகும் என்று அதன் தயாரிப்பாளர் தில் ராஜூ தெரிவித்துள்ளார்.
தெலுங்கு வரசுடு படத்தின் பத்திரிகையாளர் சந்திப்பு நேற்று மாலை ஹைதராபாத்தில் நடந்தது.
இந்தப் பத்திரிகையாளர் சந்திப்பில் ‘வாரிசு’ – ‘வரசுடு’ படத்தின் தயாரிப்பாளரான தில்ராஜ் பேசும்போது, “வாரிசு’ படம் தமிழில் சொன்ன தேதியில் 11-ம் தேதி வெளியாகும். ஆனால் ‘வாரிசு’ படத்தின் தெலுங்கு பதிப்பான ‘வரசூடு’ தள்ளிப் போகிறது. ஜனவரி 14-ம் தேதிதான் தெலுங்கு பதிப்பு வெளியாகும்.
எங்கள் தெலுங்கு நட்சத்திரங்கள் பாலகிருஷ்ணாவின் ‘வீரசிம்ம ரெட்டி’ & சிரஞ்சீவியின் ‘வால்டர் வீரய்யா’ ஆகிய இரண்டு படங்கள் ஜனவரி 12 & 13 தேதிகளில் வெளியாகிறது. எனவே ‘வரசுடு’ ரிலீஸ் தள்ளிப் போகிறது” என்றார் தில் ராஜூ.
