ஜே.ஜே.குட் பிலிம்ஸ் பாபு ராஜா, மற்றும் ஜெம்ஸ் பிலிம்ஸ் முருகானந்தம் இருவரும் இணைந்து தயாரித்துள்ள படம் ‘திருப்பதிசாமி குடும்பம்.’
இந்தப் படத்தில் ஜே.கே., ஜாகீன் என்கிற இரண்டு கதாநாயகர்கள் அறிமுகமாகிறார்கள். முக்கிய வேடத்தில் ஜெயன் அறிமுகமாகிறார். மற்றும் தேவதர்ஷினி, லஷ்மி ஐஸ்வர்யா, மயில், முத்துராமன், கே.அமீர், சிசர்மனோகர் ஆகியோரும் நடித்துள்ளனர்.
ஒளிப்பதிவு – Y.M.முரளி, இசை – சாம் டி.ராஜ், பாடல்கள் – கபிலன், சொற்கோ, ரோகேஷ், மீனாட்சி சுந்தரம், படத் தொகுப்பு – ராஜா முகம்மது, கலை – ஆரோக்கியராஜ், நடனம் – தினேஷ், அமீப், சண்டை பயிற்சி – பயர் கார்த்திக்,
தயாரிப்பு நிர்வாகம் – சிவா, வேல்முருகன். தயாரிப்பு மேற்பார்வை – ஆர்.எம்.சேகர், இணை தயாரிப்பு – திருப்பூர் K.L.K.மோகன், தயாரிப்பு – பாபு ராஜா, ஜாபர் அஷ்ரப், எழுத்து, இயக்கம் – சுரேஷ் சண்முகம். இவர் ‘அரசு’, ‘கம்பீரம்’ உட்பட படங்களை இயக்கியவர்.
படம் பற்றி இயக்குநர் சுரேஷ் சண்முகம் பேசும்போது, “ஒரு நடுத்தர குடும்பத் தலைவனான திருப்பதிசாமி கால் டாக்சி டிரைவர். தனது மனைவி, இரண்டு மகன்கள், ஒரு மகள் என சந்தோஷமான வாழ்க்கை வாழ்ந்து கொண்டிருக்கும் அந்த குடும்பத்திற்கு ஒரு சின்ன தடங்கல் ஏற்படுகிறது.
அப்போது திருப்பதிசாமியின் பிள்ளைகளுக்கு நடக்கும் எதிர்பாராத நிகழ்வு ஒன்று அந்த சந்தோஷக் குடும்பத்தை எப்படி புரட்டிப் போடுகிறது என்பதுதான் கதை..!
ஜாலியான அதே சமயம் கனமான ஒரு உணர்வையும் இந்த ‘திருப்பதிசாமி குடும்பம்’ படத்தின் திரைக்கதை உருவாக்கும்..! ஒரு நல்ல படம் நல்ல உணர்வை ஏற்படுத்தும் படம்.. நிச்சயம் மக்கள் மனதில் நல்ல ஒரு தாக்கத்தை ஏற்படுத்தி வெற்றி தரும் என்று உறுதியாக நம்புகிறோம். எங்களது இந்த ‘திருப்பதிசாமி குடும்பம்’ அந்த வகைப் படமாக மக்களின் பாராட்டை நிச்சயமாக பெறும்..” என்று நம்பிக்கையுடன் கூறினார் இயக்குநர்.
