தெலுங்கு திரைப்பட நடிகர் சங்கத் தேர்தல் – பிரகாஷ்ராஜ் அணியினர் அறிவிப்பு

தெலுங்கு திரைப்பட நடிகர் சங்கத் தேர்தல் – பிரகாஷ்ராஜ் அணியினர் அறிவிப்பு

வரும் செப்டம்பர் மாதம் நடைபெறவுள்ள தெலுங்கு திரைப்பட நடிகர்கள் சங்கத் தேர்தலில் தனது அணியின் சார்பாக போட்டியிடும் வேட்பாளர்களை நடிகர் பிரகாஷ் ராஜ் இன்று அறிமுகப்படுத்தியுள்ளார்.

இந்த வேட்பாளர் அணியில் நடிகர்கள் ஸ்ரீகாந்த், சாய்குமார், பானர்ஜி, உத்தேஜ், தனீஷ், அஜய், நாகி நீடு, பிரஹம்ஜி, ரவி பிரகாஷ், சமீர், பந்த்லா கணேஷ், யெடிடா ஸ்ரீராம், சிவரெட்டி, போபால், டார்ஜான், சுரேஷ் கொண்டாட்டி, சுதாகலி சுதிர், கோவிந்தா ராவ், சுதாகர் ராவ், நடிகைகள் ஜெயசுதா, ஷனூர் ஷனா, அனுசுயா பரத்வாஜ், பிரகதி, அனிதா செளத்ரி, சுதா ஆகியோர் இடம் பெற்றுள்ளனர். மேலும் இவர்களுடன் ‘மெகா ஸ்டார்’ சிரஞ்சீவியின் தம்பியான நடிகர் நாகபாபுவும் இணைந்துள்ளார்,

பிரகாஷ் ராஜ் அணிக்கு எதிராக பிரபல மூத்த தெலுங்கு நடிகரான மோகன் பாபுவின் மகனான நடிகர் விஷ்ணு மஞ்சுவும், நடிகைகள் ஜீவிதாவும், ஹேமாவும் களம் இறங்க இருக்கிறார்கள்.

இவர்களில் ஜீவிதா, மோகன் பாபு அணிக்குத் தாவலாம் என்று எதிர்பார்க்கப்படுகிறது. ஆனால் நடிகை ஹேமா தன் தலைமையில் புதிய அணியை அமைத்து போட்டியிடுவேன் என்று திட்டவட்டமாகக் கூறியிருக்கிறார்.

மற்றைய அணிகள் பற்றிய விவரங்கள் விரைவில் வெளியாகும் என்று எதிர்பார்க்கப்படுகிறது.

Our Score