ஒலிம்பியா மூவீஸ் நிறுவனத்தின் சார்பில் தயாரிப்பாளர் S.அம்பேத்குமார் தயாரித்துள்ள படம் ‘டாடா’.
இந்தப் படத்தில் கவின், அபர்ணா, கே.பாக்யராஜ், ஐஷ்வர்யா, ‘முதல் நீ முடிவும் நீ’ படப் புகழ் ஹரீஷ், ‘வாழ்’ படப் புகழ் ப்ரதீப் ஆண்டனி மற்றும் பலர் நடித்திருக்கின்றனர்.
ஒளிப்பதிவு – எழில் அரசு, இசை – ஜென் மார்ட்டின், படத் தொகுப்பு – கதிரேஷ் அழகேசன், கலை இயக்கம் – சண்முகராஜ், ஆடை வடிவமைப்பு – சுகிர்தா பாலன், எக்ஸிகியூட்டிவ் புரொட்யூசர் – A.P.V.மாறன், பத்திரிகை தொடர்பு – சுரேஷ் சந்திரா, ரேகா டி.ஒன், ஒலி வடிவமைப்பு – அருணாச்சலம் சிவலிங்கம், எழுத்து, இயக்கம் – கணேஷ் கே.பாபு.
அழகான ரொமாண்டிக் படமாக உருவாக்கப்பட்டுள்ள இந்தப் படம் பார்வையாளர்களை எண்டர்டெயின் செய்யும் நோக்கத்தில் பல விஷயங்களையும் உள்ளடக்கியுள்ளது.

படத்தில் இருந்து ஏற்கனவே வெளியான முதல் சிங்கிள் பாடல் ரசிகர்களிடையே பெரும் வரவேற்பை பெற்றுள்ளது.
இந்த ‘டாடா’ படத்தின் படப்பிடிப்பு தற்போது நிறைவடைந்துள்ளது. இதன் மொத்த படப்பிடிப்பும் சென்னை மற்றும் அதன் சுற்றுவட்டாரப் பகுதிகளில் நடந்துள்ளது.
தற்போது போஸ்ட் புரொடக்சன் பணிகள் முழு வீச்சில் நடந்து கொண்டிருக்கும் நிலையில் படத்தின் இசை வெளியீட்டு விழா, டிரெயிலர் மற்றும் படம் வெளியாகும் தேதி என அடுத்தடுத்த அறிவிப்புகளை படக் குழு விரைவில் வெளியிட இருக்கிறது.