திரு.ஆர்.எம்.வீரப்பன் அய்யாவின் வரலாறு, வாழ்க்கைப் பயணம், தமிழக சினிமா மற்றும் அரசியலுக்கு அவர் செய்த பெரும் பங்களிப்புகளை பதிவு செய்யும் “RMV The Kingmaker” ஆவணப் படம் விரைவில் வெளியாகிறது.
ஆரம்ப காலத்தில் தந்தை பெரியார் மற்றும் அறிஞர் அண்ணா ஆகியோருடன் பணியாற்றிய ஆர்.எம்.வீரப்பன், பின்னர் புரட்சித் தலைவர் எம்.ஜி.ஆர். அவர்களின் நெருங்கிய துணையாக இருந்தார்.
திரு. ஆர். எம். வீரப்பன் அய்யாவின் சேவை, ஒழுக்கம், தலைமைக் குணம் மற்றும் தமிழுக்கு அவர் செய்த அர்ப்பணிப்பு இந்த ஆவணப் படத்தில் விரிவாக காட்டப்பட்டுள்ளது.
அரிய காட்சிகள், முக்கிய நபர்களின் பேட்டிகள் மற்றும் வரலாற்றுத் தகவல்களின் மூலம் இந்த ஆவணப் படம் உருவாக்கப்பட்டுள்ளது.
இந்த ஆவணப் படத்தை சத்யா மூவிஸ் நிறுவனம் மற்றும் தி கோல்டன் கிங் ஸ்டுடியோஸ் இணைந்து தயாரித்துள்ளது.
அருளாளர் ஆர். எம். வீரப்பன் அய்யா சினிமா வளர்ச்சிக்கும், தமிழ் வரலாறு மற்றும் கலாச்சாரத்திற்கும் ஆற்றிய பங்களிப்புகளை அடுத்த தலைமுறைக்கு எடுத்துச் செல்ல வேண்டும் என்பதே இந்த தயாரிப்பு நிறுவனங்களின் நோக்கம்.
தயாரிப்பாளர் ஆர்.எம்.வீரப்பன் அய்யாவின் மகன் தங்கராஜ் வீரப்பன், தந்தையின் பாரம்பரியம், பண்புகள் மற்றும் சமூகப் பணிகளை மிகுந்த அன்பும் மரியாதையும் கொண்டு இந்த ஆவணப் படத்தில் பதிவு செய்துள்ளார். இது தந்தைக்கு அவர் செலுத்தும் மனமார்ந்த அஞ்சலி.
ஆவணப் பட இயக்குநர் பினு சுப்பிரமணியம், உண்மை மற்றும் வரலாற்றை எளிமையாகவும் ஆழமாகவும் பதிவு செய்யும் வகையில் இந்தப் படத்தை வடிவமைத்துள்ளார்.
அவரின் ஆராய்ச்சி, கதை சொல்லும் திறன், மற்றும் காட்சிகளை நுணுக்கமாக உருவாக்கும் நடை இந்த ஆவணப் படத்தின் முக்கிய பலமாகும்.
ஆய்வுப் பணியின் ஒரு பகுதியாக, எங்கள் குழு வீரப்பன் அய்யா பிறந்த கிராமத்திற்குச் சென்று அங்குள்ள மக்களுடன் நேரடியாக உரையாடி பல முக்கிய தகவல்களை சேகரித்தது.
மேலும் சினிமா, அரசியல், இலக்கியம், ஆன்மீகம், ISRO விஞ்ஞானிகள், மற்றும் வரலாற்றாளர்கள் உள்ளிட்ட பல துறைகளின் நிபுணர்களை சந்தித்து விரிவான ஆய்வுகள் மேற்கொள்ளப்பட்டன.
ஆவணப் படத்தில் இடம் பெற்றுள்ள முக்கிய நபர்கள் :
● தமிழ்நாடு முதலமைச்சர் திரு. மு.க. ஸ்டாலின்
● சூப்பர் ஸ்டார் திரு. ரஜினிகாந்த்
● திரு. ஆர். கண்ணன்
● திரு. ஆர். சரத்குமார்
● திரு. சத்யராஜ்
● கவிஞர் திரு. வைரமுத்து
● ISRO விஞ்ஞானி திரு. நம்பி நாராயணன்
மேலும் பல முக்கிய ஆளுமைகள்…
“RMV The Kingmaker” என்பது ஒரு வாழ்க்கை வரலாறு மட்டுமல்ல;
தமிழகத்தின் சினிமா மற்றும் அரசியல் வரலாற்றில் முக்கிய பங்காற்றிய அருளாளர் ஆர். எம். வீரப்பன் அய்யாவின் அரிய பயணத்தை பதிவு செய்யும் வரலாற்று ஆவணப் படம்.
அவரின் தலைமைக் குணம், நம்பிக்கை, திறமை மற்றும் தமிழ்ப்பண்பாட்டுக்கு அவர் செய்த பங்களிப்புக்கான ஒரு மரியாதைதான் இந்த ஆவணப் படம்!
