full screen background image

SIIMA விழாவில் ‘ரெமோ’ படத்தின் பாடல் வெளியீடூ..!

SIIMA விழாவில் ‘ரெமோ’ படத்தின் பாடல் வெளியீடூ..!

குழந்தைகள் முதல் பெரியவர்கள்வரை அனைவராலும் பாராட்டக்கூடிய நடிகர் சிவகார்த்திகேயன். தன்னுடைய எதார்த்தமான நடிப்பாலும், துறுதுறுவென பேசி பழகும் குணத்தினாலும், நம் குடும்பங்களில் ஒரு நபர் போல சிவகார்த்திகேயன் எல்லோர் மனதிலும் பதிந்துவிட்டார்.

இவர் நடிப்பில் தற்போது உருவாகி கொண்டிருக்கும் ‘ரெமோ’ திரைப்படமானது, துவங்கிய நாட்களில் இருந்தே ஏகப்பட்ட வரவேற்பை பெற்று வந்துள்ளது. சமீபகாலமாகவே சிவகார்த்திகேயன் – கீர்த்தி சுரேஷ் ஆகியோரின் வெற்றி கூட்டணிதான்  ஊடகங்களின் தலைப்பு செய்தியாக இருந்து வருகிறது.

ஏற்கனவே வெளியான ‘ரெமோ’ படத்தின் முதல் போஸ்டர் இளைஞர்கள் மத்தியிலும், சமூக வலைத்தளங்களிலும் சக்கைப்போடு போட்டு கொண்டிருக்கும் இந்த நிலையில், ‘ரெமோ’ படத்தின் ‘செஞ்சிட்டாளே’ பாடலை சிங்கப்பூரில் நடைபெறவிருக்கும் SIIMA விழாவில் வெளியிட ‘ரெமோ’ படக் குழுவினர் முடிவு செய்துள்ளனர்.

அனிருத்தின் இசையில் உருவாகியுள்ள இந்த பாடல், ரசிகர்களின் மனதில் பெரும் எதிர்பார்ப்பை ஏற்படுத்தியுள்ளது. 

ஜூலை 1-ம் தேதி நடைபெற இருக்கும் இந்த ரெமோ படத்தின் ‘செஞ்சிட்டாளே’ பாடல் வெளியீட்டு விழாவில், சிவகார்த்திகேயன், கீர்த்தி சுரேஷ், இயக்குனர் பாக்யராஜ், இசையமைப்பாளர் அனிருத், ஒளிப்பதிவாளர் PC ஸ்ரீராம், ஆஸ்கார் விருது பெற்ற ரசூல் பூக்குட்டி என ஒட்டு மொத்த படக் குழுவினரும் பங்கு பெறுவது, மக்களின் ஆர்வத்தை அதிகரித்து கொண்டே போகிறது என்பதை உறுதியாக சொல்லலாம்.

Our Score