சமீபத்தில் விக்ரம் பிரபுவின் நடிப்பில் உருவாகும் ‘ரெய்டு’ படத்தின் ஃபர்ஸ்ட் லுக் போஸ்டர் நேற்றைக்கு வெளியாகி, ரசிகர்களிடையே அமோக வரவேற்பை பெற்று வருகிறது.
இந்த ‘ரெய்டு’ படத்தை ஓபன் ஸ்க்ரீன் பிக்சர்ஸ் & M ஸ்டுடியோஸ் நிறுவனங்களின் சார்பில் தயாரிப்பாளர்கள் S.K. கனிஷ்க், G.K.(எ) G.மணிகண்டன் இருவரும் இணைந்து தயாரித்துள்ளனர்.
படத்தில் முதன்மை கதாபாத்திரத்தில் விக்ரம் பிரபு நடிக்கிறார். ஸ்ரீதிவ்யா மற்றும் புதுமுகம் அனந்திகா இருவரும் முக்கிய கதாபாத்திரங்களில் நடிக்கின்றனர். முன்னதாக ‘வெள்ளைக்கார துரை’ படத்தில் விக்ரம் பிரபுவும், ஸ்ரீதிவ்யாவும் இணைந்து நடித்துள்ளனர் என்பது குறிப்பிடத்தக்கது.
பேனர் – ஓபன் ஸ்க்ரீன் பிக்சர்ஸ் & M ஸ்டுடியோஸ், தயாரிப்பு – S.K. கனிஷ்க், GK (அ) ஜி.மணிகண்டன், இயக்கம் – கார்த்தி, திரைக்கதை, வசனம் – இயக்குநர் முத்தையா, இசை – சாம் C.S., ஒளிப்பதிவு – கதிரவன், படத் தொகுப்பு – மணிமாறன், கலை இயக்கம் – வீரமணி கணேசன், சண்டை பயிற்சி இயக்கம் – K.கணேஷ், நடன இயக்கம் – கல்யாண், பாபா பாஸ்கர், சந்தோஷ், பாடல்கள் – மோகன் ராஜன், இணை இயக்கம் – மித்ரன் கார்த்தி, புகைப்படங்கள் – முருகன், ஆடை வடிவமைப்பாளர் – மாலினி பிரியா, ஒப்பனை – வி.சேகர், தயாரிப்பு நிர்வாகம் – கண்ணன்.ஜி., மக்கள் தொடர்பு – டைமண்ட் பாபு, சுரேஷ் சந்திரா, ரேகா D’One, விளம்பர வடிவமைப்பு – REDDOT பவன், நிர்வாகத் தயாரிப்பாளர் – தம்பி M.பூபதி, இணை தயாரிப்பாளர் – S.வினோத் குமார்,
நடிகர் விக்ரம் பிரபு தேர்ந்தெடுக்கும் தனித்துவமான திரைக்கதைகள் மற்றும் வித்தியாசமான பாத்திரங்கள், திரைப்பயணத்தில் அவரது அந்தஸ்தை உயர்த்திக் கொண்டே இருக்கின்றன.
அவரது முந்தைய படமான ‘டாணாக்காரன்’ படத்திற்கு கிடைத்த வரவேற்பைத் தொடர்ந்து, தற்போது அடுத்ததாக வரவிருக்கும் ‘ரெய்டு’ திரைப்படத்தின் முதல் பார்வை நல்ல வரவேற்பை பெற்றுள்ளது.
பர்ஸ்ட் லுக்கில் விக்ரம் பிரபுவின் அட்டகாசமான தோற்றம் பாராட்டுகளைப் பெற்று வருகிறது. மேலும் அசத்தலான தலைப்பும் படத்தின் மீதான எதிர்பார்ப்புகளை அதிகப்படுத்தியுள்ளது.
