SKYMOON ENTERTAINMENT & E5 ENTERTAINMENT நிறுவனங்களின் சார்பில் தயாரிப்பாளர்கள் M.கணேஷ் மற்றும் J.தனுஷ் இருவரும் இணைந்து தயாரிக்கும் படம் ‘கண்ணகி.’
பெண்களை மையப்படுத்தி உருவாகி வரும் இந்த படத்தில் அம்மு அபிராமி, வித்யா பிரதீப், ஷாலின் சோயா, கீர்த்தி பாண்டியன் ஆகியோர் கதாநாயகிகளாக நடிக்கின்றனர். முக்கிய வேடங்களில் வெற்றி, ஆதிஷ் ஆகியோர் நடிக்கின்றனர்.
தயாரிப்பு நிறுவனம் – SKYMOON ENTERTAINMENT & E5 ENTERTAINMENT, ஒளிப்பதிவு – ராம்ஜி, இசை – ஷான் ரஹ்மான், படத் தொகுப்பு – சரத்.K., DI – வர்ணா டிஜிட்டல் ஸ்டுடியோஸ், ஒலி மற்றும் வடிவமைப்பு ஒத்திசைவு – ராஜேஷ் சசீந்திரன், கலை இயக்கம் – குமார் கங்கப்பன், விளம்பர வடிவமைப்பு – கபிலன், இசை லேபிள் – டிப்ஸ், இண்டஸ்ட்ரீஸ் லிமிடெட்(டிப்ஸ் தமிழ்), பாடல்கள் – கார்த்திக் நேத்தா, பத்திரிகை தொடர்பு – ரியாஸ் K.அஹமது, நிர்வாகத் தயாரிப்பு – எஸ்.வினோத்குமார், தயாரிப்பு – எம்.கணேஷ் & ஜே.தனுஷ், இயக்கம் – யஷ்வந்த் கிஷோர்
தற்போது இந்தப் படத்தில் இருந்து ‘ங்கொப்புரானே ங்கொப்புரானே’ என்கிற பாடளின் லிரிக் வீடியோ தயாராகியுள்ளது. கார்த்திக் நேத்தா எழுதிய இந்தப் பாடலை ஸ்ரீநிதி பாடியுள்ளார். இந்த லிரிக் வீடியோவை, ஜீவி மீடியா ஒர்க்ஸ் கோகுல் வெங்கட் ராஜா உருவாக்கியுள்ளார்.
நான்கு பெண்களின் வெவ்வேறுவிதமான வாழ்க்கையை மையப்படுத்தி உருவாகி வரும் இந்தப் படத்தில் ‘கலை’ என்கிற இளம் பெண் கதாபாத்திரத்தில் அம்மு அபிராமி நடித்துள்ளார்.
திருமணத்திற்கு தயாராகும் அம்மு அபிராமி, ‘பெண் பார்த்தல்’ என்கிற அந்த வைபவத்தை எப்படி எதிர்கொள்கிறார் என்கிற கான்செப்டில் இந்தப் பாடல் உருவாகியுள்ளது.
இந்தப் பாடல் குறித்து இயக்குநர் யஷ்வந்த் கிஷோர் பேசும்போது, “ஒவ்வொரு பெண்ணின் வாழ்க்கையிலும் பெண் பார்த்தல் என்கிற வைபவம் ரொம்பவே முக்கியமானது. அம்மு அபிராமிக்கு அவரது வீட்டினர் திருமணம் செய்ய எடுக்கும் முயற்சியில் இருந்து துவங்குவதாக இந்தப் பாடல் ஆரம்பிக்கிறது.
பெண் பார்க்க வரும் மணமகன்களில் ஒருவர் என்ன காரணங்களால் நிராகரிக்கப்படுகிறார்.? இன்னொருவர் எந்த அடிப்படையில் மணமகனாக ஏற்கப்படுகிறார்..? இந்த நிகழ்வில் ஒரு மணப்பெண்ணுக்கே உரிய கட்டுப்பாடுகளும், எதிர்பார்ப்புகளும், ஏமாற்றங்களும் எப்படி இருக்கின்றன என்பதை ‘கலை’ என்கிற ஒரு இளம் பெண்ணின் மனதில் இருந்து பிரதிபலிக்கும்விதமாக இந்தப் பாடல் காட்சி அமைந்துள்ளது…” என்றார்.
