ஆர்.டி. இன்பினிட்டி டீல் எண்டர்டைன்மென்ட் பட நிறுவனம் சார்பாக ரகுகுமார் என்கிற திரு.ராஜரத்தினம், ஸ்ரீதரன் மூவரும் இணைத்து தயாரிக்கும் படம் ‘போங்கு.’
‘சதுரங்க வேட்டை’ படத்தில் நடித்த நட்ராஜ் சுப்ரமணியன்(நட்டி) இந்த படத்தில் கதாநாயகனாக நடிக்கிறார். கதாநாயகியாக ருஹி சிங் நடிக்கிறார். மற்றும் அதுல் குல்கர்னி, ‘முண்டாசுபட்டி’ ராம்தாஸ், அர்ஜுன், ஷரத் லோகித்தஷ்வா, ராஜன், மனிஷா, ‘பாவா’ லட்சுமணன், மயில்சாமி, சாம்ஸ் ஆகியோரும் நடித்திருக்கிறார்கள்.
ஒளிப்பதிவு – மகேஷ் முத்துசாமி, இசை – ஸ்ரீகாந்த் தேவா, பாடல்கள் -கபிலன், தாமரை, மதன் கார்க்கி, எடிட்டிங் – கோபிகிருஷ்ணா, கலை – ராஜமோகன், சண்டை பயிற்சி – சுப்ரீம் சுந்தர், நடனம் – கல்யாண், பாப்பி, தயாரிப்பு மேற்பார்வை – ஏ.பி.ரவி, தயாரிப்பு – ராஜரத்தினம், ஸ்ரீதரன், எழுத்து, இயக்கம் – தாஜ்.
படம் பற்றி இயக்குநர் தாஜ் பேசும்போது, “எந்த ஒரு குற்றமும் புதிதாக உருவாவது இல்லை. எல்லா குற்றங்களும் காலம்காலமாக இங்கே நடந்து கொண்டுதான் இருக்கிறது. அந்தந்த காலகட்டத்திற்கேற்ப மாதிரி அந்தக் குற்றம் நவீனமாக்கப்பட்டு புதிய பாணியில் அரங்கேறிக் கொண்டிருக்கிறது.
குற்றங்களுக்கான ஆனிவேர் எது.. யார்.. என்று பார்த்தால் வெளியிலிருந்து யாரும் காரணமாக இருக்க மாட்டார்கள். சிறைக்குள்ளேயே இருந்து கொண்டு வெளியாட்களை ரிமோட் கண்ட்ரோல் மூலமாக இயக்கி அந்த குற்றத்தை நிகழ்த்தி இருப்பார்கள்.
அப்படித்தான் ஒரு ரோல்ஸ்ராய்ஸ் காரின் திருட்டும் நடைபெறுகிறது. இந்தத் திருட்டு யாரால், எப்படி மேற்கொள்ளப்படுகிறது என்பதுதான் இந்தப் படத்தின் கதை.
காஸ்ட்லியான கார் பற்றிய கதை என்பதால் செலவைப் பற்றிக் கவலைப்படாமல் சற்று காஸ்ட்லியாகவே செலவு செய்து படமாக்கி இருக்கிறோம். ஒரு புதிய இயக்குனருக்கு இவ்வளவு செலவு செய்து படமாக்க ஒத்துக்கொண்ட தாயாரிப்பாளர்களுக்கு நான் மிகவும் கடமைப்பட்டுளேன்..” என்றார் இயக்குநர் தாஜ்.
