RK CRETIVE MAKERS நிறுவனத்தின் சார்பில் தயாரிப்பாளர் வீரா தயாரிக்கும் படம் ‘அப்பு VI-STD’.
இப்படத்தில் ‘கல்லூரி’, ‘மாரி’, ‘ஸ்கெட்ச்’, ‘அயோத்தி’, ஆகிய படங்களில் நடித்த வினோத் கதையின் நாயகனாக அறிமுகமாகிறார். பிரியா கதாநாயகியாக அறிமுகமாகிறார்.
மேலும் வீரா, ஜீவன் பிரபாகர், P.L.தேனப்பன், வேலு பிரபாகரன், டார்லிங் மதன், விஜய் சத்யா, பிரியங்கா ரோபோ ஷங்கர், சுப்பிரமணி மற்றும் பலர் நடிக்கின்றனர்.
இப்படத்தை அறிமுக இயக்குநரான வசீகரன் பாலாஜி கதை, திரைக்கதை, வசனம் எழுதி இயக்குக்கிறார். இசை – ஆலன் விஜய், ஒளிப்பதிவு – தீபக், படத் தொகுப்பு – K.K.விக்னேஷ், சண்டைப் பயிற்சி இயக்கம் – S.R.ஹரிமுருகன், பாடல்கள் – மணி அமுதவன், கலை இயக்கம் – V.K.நடராஜ்.
இப்படம் சென்னை ஹௌசிங் போர்டை மையமாக கொண்ட கதைக் களத்தில் உருவாகி உள்ளது. அப்பாவின் கனவை நிறைவேற்ற படிக்க நினைக்கும் பத்து வயது சிறுவன் அப்பு. அப்புவால் தனக்கு மரணம் என நினைத்து அப்புவை கொல்ல துடிக்கும் தர்மா. இவர்கள் இருவருக்கும் இடையே சூழ்நிலையால் ரவுடியான சபாரத்தினம். முன் பின் அறிமுகமில்லாத இம்மூவரும் சந்திக்கும் புள்ளியில் ஏற்படும் விளைவே கதை.படிப்பதற்காக எதையும் செய்யலாம் என்னும் வித்தியாசமான கதைக் களத்துடன் இப்படம் உருவாகியுள்ளது.
இத்திரைப்படம் விரைவில் திரைக்கு வர உள்ளது.
