ஒரு வீடியோவால் ஏற்படும் விபரீதங்களை விறுவிறுப்பாகச் சொல்லும் ‘அல்டி’..!

ஒரு வீடியோவால் ஏற்படும் விபரீதங்களை விறுவிறுப்பாகச் சொல்லும் ‘அல்டி’..!

தயாரிப்பாளர்கள் ஷேக் முகமது மற்றும் ரஹ்மதுல்லா இருவரும் இணைந்து தயாரிக்கும் புதிய திரைப்படம் ‘அல்டி’.

இந்தப் படத்தில் நடிகர் மயில்சாமியின் மகன் அன்பு மயில்சாமி நாயகனாக நடிக்க, கதாநாயகி வேடத்தில் மனிஷாஜித் நடித்திருக்கிறார்.

சென்ராயன் பிராதன பாத்திரம் ஒன்றில் நடிக்க யாசி, ராபர்ட், மாரிமுத்து, ஏ.வெங்கடேஷ் பசங்க’ சிவகுமார், சிந்து குமாரி, மிப்பு சாமி, சேதுபதி ஜெயசந்திரன், நெல்லை சிவா டி.எஸ்.ஆர். ஆகியோர் முக்கிய வேடங்களில் நடிக்கின்றனர்.

ஆறுமுகம் ஒளிப்பதிவு செய்யும் இப்படத்துக்கு ஸ்ரீகாந்த் தேவா இசையமைக்கிறார். நடனக் காட்சிகளை ராபர்ட் அமைக்க, படத் தொகுப்பை வில்ஸி கவனிக்கிறார். கலை இயக்குநராக சிவகுமார் பணியாற்ற, சண்டைக் காட்சிகளை அமைக்கிறார் ஜாக்கி ஜான்சன். பத்திரிகை தொடர்பு பணிகளை ப்ரியாவும், டிசைனர் பொறுப்பை ரஜினி கிருஷ்ணனும் ஏற்றிருக்கின்றனர். தயாரிப்பு நிர்வாகத்தை ஜெகன் கவனிக்க இந்த ‘அல்டி’ படத்தை எழுதி இயக்குகிறார் எம்.ஜே.உசேன்.

பரபரப்பைக் கிளப்பும் வீடியோ உள்ள ஐபோன் ஒன்று குட்டி, குணா மற்றும் ஜானி ஆகியோருக்குக் கிடைக்கிறது. அந்த போனில் இருக்கும் ஒரு வீடியோவில் ஆளும் கட்சி எம்.எல்.ஏ.மகனுக்கும் போலீஸ் இன்ஸ்பெக்டர் ஒருவருக்குமான பிரச்னை குறித்த முக்கிய தகவல் இருக்கிறது. இந்த வீடியோவால் இதில் தொடர்புள்ளவர்களின் வாழ்க்கை எந்தெந்த வகையில் பாதிக்கப்படுகிறது என்பதை திகில் கலந்து சொல்லும் விறுவிறுப்பான திரைப்படம்தான் இந்த ‘அல்டி’.

படம் விரைவில் திரைக்கு வரவிருக்கிறது.