சிவஞானம் சில்வர் ஸ்கிரீன் நிறுவனத்தின் சார்பில் தயாரிப்பாளர் த.சிவபெருமாள் தயாரிக்கும் புதிய படம் ‘அதர்மமே தர்மம்.’
இந்தப் படத்தில் சாரா கதையின் நாயகியாக நடிக்கிறார். அருண் முக்கிய வேடத்தில் நடிக்கிறார். மேலும், ராஜசிம்மன், அமுதவாணன், நமோ நாராயணன், நிழல்கள் ரவி, சிங்கம் புலி, வையாபுரி, சம்பத், குமரேசன் மற்றும் பலரும் இதில் நடிக்கின்றனர்.
அருண்பாரதி பாடல்கள் எழுத ராகேஷ் அம்பிகாபதி இசையமைக்க, ஐஸ்வர்யா ஒளிப்பதிவு செய்கிறார். புதியவரான தரணி பால்ராஜ் இப்படத்தின் மூலம் இயக்குநராக அறிமுகமாகிறார்.
இந்தப் படத்தின் துவக்க விழா பிரசாத் ஸ்டுடியோவில் நடைபெற்றது.
இந்த பூஜை நிகழ்வில் படக் குழுவினருடன் இயக்குநர் பேரரசுவும் விருந்தினராக கலந்து கொண்டார். பூஜையின் முடிவில் படத்தின் தலைப்பினை இயக்குநர் பேரரசு வெளியிட்டார்.
Our Score
