பல தமிழ் படங்களை தெலுங்கு மற்றும் கன்னட மொழிகளில் விநியோகம் செய்தவரும், பல ‘பான்-இந்தியா’ (Pan-India) திரைப்படங்களை வெளியிட்டவருமான தயாரிப்பாளர் A. N.பாலாஜி முதல் முறையாக தமிழில் தயாரிக்கும் முதல் படம் ‘ஃபீல் மை லவ்’.
தமிழ், தெலுங்கு, கன்னடம், மலையாளம் மற்றும் இந்தி என பான் இந்தியா திரைப்படமாக இது உருவாகி வருகிறது.
இந்தப் படத்தில் M.S. பாஸ்கர், ஆதித்யா பாஸ்கர், ஐரா, அம்மு அபிராமி, ராஜய்யப்பா, நோபிள் ஜேம்ஸ் மற்றும் பிரியங்கா ஆகியோர் முக்கிய கதாபாத்திரங்களில் நடித்துள்ளனர். மற்றும் முக்கிய கதாபாத்திரத்தில் மதுசூதனன் ராவ் நடித்துள்ளார்.
‘ஹவுஸ் மேட்ஸ்’ (House Mates) படத்தின் மூலம் பார்வையாளர்களைக் கவர்ந்த எம்.எஸ். சதீஷ் இப்படத்தின் ஒளிப்பதிவை செய்து வருகிறார்.
திறமையான இசையமைப்பாளர்களான எஸ்.ராஜரவிவர்மா மற்றும் ஜி.பாலசுப்ரமணியன் ஆகியோர் இப்படத்திற்கு இசையமைக்கின்றனர்.
‘லவ்'(LOVE), ‘கொலை சேவல்’ (Kolai Seval) போன்ற படங்கள் மற்றும் பல குறிப்பிடத்தக்க விளம்பரப் படங்களில் பணியாற்றிய அஜய் மனோஜ் இப்படத்தின் படத் தொகுப்பை மேற்கொள்கிறார்.
ஹரி பிரகாஷ் எம் இப்படத்தை எழுதி இயக்குகிறார்.
“வாழ்க்கையின் எந்தக் கட்டத்திலும் ஒரு அதிசயம் நிகழலாம்” என்ற மனதிற்கு இதமான கருப் பொருளை மையமாகக் கொண்டு உருவாக்கப்பட்டுள்ளது இப்படம்.
“சுவாரஸ்யமான தருணங்கள், இயல்பான உறவுகள், ஆழமான உணர்ச்சிகள் மற்றும் எதிர்பாராத திருப்பங்கள் நிறைந்த ஒரு தனித்துவமான காதல் நகைச்சுவைத் திரைப்படமாக இது இருக்கும்” என்கிறார் இயக்குநர்.
“இப்படத்தின் இதமான கதைக் களம் மற்றும் விறுவிறுப்பான திரைக்கதை, இளைஞர்கள் மற்றும் குடும்பப் பார்வையாளர்கள் என இரு தரப்பினரையும் சமமாக ஈர்க்கும்” என்று படக் குழுவினர் உறுதியாக நம்புகின்றனர்.
சென்னை மற்றும் புதுச்சேரியில் படப்பிடிப்பு நடைபெற்றது.
இறுதிக்கட்டப் படப்பிடிப்பு மூணார் மலைப் பிரதேசத்தில் விறுவிறுப்பாக நடைபெற்று வருகிறது.
தமிழ், தெலுங்கு, கன்னடம், மலையாளம் மற்றும் இந்தி ஆகிய மொழிகளில் பிரம்மாண்டமாக வெளியிடப்படவுள்ள இப்படம், இந்தியா முழுவதும் உள்ள பார்வையாளர்களைச் சென்றடையும் வகையில் தயாராகி வருகிறது.
இதற்கிடையில் விரைவில் நடைபெறவுள்ள பிரம்மாண்டமான இசை மற்றும் டிரெய்லர் வெளியீட்டு விழாவிற்கான ஏற்பாடுகளும் நடைபெற்று வருகிறது.
