தமிழ் திரையுலகின் பிரபல நகைச்சுவை நட்சத்திர நடிகரான முனீஸ்காந்த் கதையை வழிநடத்திச் செல்லும் முதன்மையான கதாபாத்திரத்தில் நடிக்கும் ‘தி டார்ம்’ திரைப்படத்தின் தொடக்க விழா பாரம்பரிய முறையில் சிறப்பாக இன்று நடைபெற்றது.
இயக்குநர் தீபா ஸ்ரீதர் இயக்கத்தில் உருவாகும் பெயரிடப்படாத திரைப்படத்தில் முனீஸ்காந்த், ஷாலினி, காசி தங்கம், சபரீஷ், சாம் ஜான், அருண் கார்த்திக், நிகில் நாயர், வசுந்தரா ஸ்ரீநாத், சிந்து, பெரோஜ் மற்றும் உள்ளிட்ட பலர் நடிக்கிறார்கள்.
இளையராஜா ஒளிப்பதிவு செய்யும் இந்தப் படத்திற்கு சாம் விஷால் இசையமைக்கிறார். அனில் கிருஷ்ணன் படத் தொகுப்பு பணிகளை மேற்கொள்ள, விமல் ராஜ் கலை இயக்கத்தை கவனிக்கிறார்.
ரசிகர்களுக்கு திரையரங்குகளில் மறக்க இயலாத அனுபவமாக வழங்கவுள்ள இந்தப் படத்தை குட் ஸ்டஃப்(GOOD STUFF) நிறுவனம் சார்பில் தயாரிப்பாளர் பி. டில்லி ( B. DILLI) தயாரிக்கிறார்.
அனைத்து தரப்பு ரசிகர்களின் கவனத்தை கவரும் வகையில் புதுமையான கதை அம்சத்துடன் தயாராகும் ‘தி டார்ம்’ இந்த ஆண்டில் மிகவும் எதிர்பார்க்கப்படும் படங்களில் ஒன்றாகும்.
மேலும் படம் பற்றிய ஃபர்ஸ்ட் லுக், மோசன் போஸ்டர் உள்ளிட்ட புதிய தகவல்கள் அதிகாரப்பூர்வமாக விரைவில் வெளியிடப்படும் என படக் குழுவினர் தெரிவித்துள்ளனர்.
