‘டார்க் ஜெயின்ட்’ திரைப்படத்தின் டைட்டில் வெளியீடு நேற்று பரணி ஸ்டுடியோவில் நடைபெற்றது.
இப்படத்தினை ஓய்வு பெற்ற ராணுவ வீரர் லோகேஸ்வரன், பயோவன் கிரியேஷனிசம் எனும் பேனரில் தயாரிக்கிறார்.
இத்திரைப்படத்தில் சோனியா அகர்வால், இயக்குநர் பாக்யராஜ், லிவிங்ஸ்டன், லிவிங்ஸ்டனின் மகள் ஜோவிட்டா, அயலி மதன், விஜய் டிவி அமுதவாணன், ஆதர்ஷ், ஆகியோருடன் ஹாலிவுட் நடிகர் ரபிக் பாட்சா முக்கிய கதாபாத்திரத்தில் தமிழ் சினிமாவில் அறிமுகம் ஆகிறார்.
இத்திரைப்படத்தை இயக்குநர் K.S.கிஷன் இயக்குகிறார். விக்னேஷ் ராஜா இசையமைக்க, ஒளிப்பதிவினை சங்கீத் மணிகோபால் கவனிக்கிறார்.
இப்படத்தின் முதல்கட்ட படப்பிடிப்பு கோபிசெட்டிபாளையத்திலும், சென்னையிலும் முடிவடைந்துள்ளது.
இரண்டாம் கட்ட படப்பிடிப்பு பிப்ரவரி இரண்டாவது வாரத்தில் துவங்க உள்ளது.
இது ஒரு வித்யாசமான ஹாரர் திரில்லர் படமாக உருவாகி வருகிறது.
படப்பிடிப்பு நிறைவடைந்ததும் முதல் பார்வை, இசை வெளியீடு, அதை தொடர்ந்து ஏப்ரல் மாதம் படம் வெளியீடு இருக்கும் என்று படக் குழுவினர் தெரிவித்தனர்.
