MISHRI ENTERPRISES சார்பில் மறைந்த எஸ்.செயின்ராஜ் ஜெயின் அவர்களின் நல்லாசியுடன், ரஜினி கிஷன் தயாரித்து, நாயகனாக நடித்துள்ள “ரஜினி கேங்” திரைப்படம், இயக்குநர் எம். ரமேஷ் பாரதி இயக்கத்தில் கலகலப்பான ஹாரர் காமெடியாக உருவாகியுள்ளது.
மறைந்த ஸ்ரீ எஸ். செயின்ராஜ் ஜெயின் அவர்கள் நிறுவிய MISHRI ENTERPRISES, மூன்று தசாப்தங்களுக்கும் மேலாக திரைப்பட பைனான்ஸ், விநியோகம் மற்றும் தயாரிப்பில் சிறப்பாகச் செயல்பட்டு வருகிறது.
ஜெய் ஹிந்த், அஷ்டகர்மா போன்ற வெற்றிப் படங்களுக்குப் பிறகு, ரஜினி கேங் அவர்கள் நிறுவனத்தின் மூன்றாவது பிரமாண்ட தயாரிப்பு ஆகும்.
இந்தப் படத்தில் ரஜினி கிஷன், திவிகா, மொட்டை ராஜேந்திரன், கூல் சுரேஷ், கல்கி ராஜா, ராம் தாஸ் உள்ளிட்டோர். ‘ப்ளூ’ என்ற நாய் முக்கிய கதாபாத்திரத்தில் நடித்துள்ளது.
இசை: ‘பொறியாளன்’, ‘போங்கு’, ‘சட்டம் என் கையில்’ போன்ற படங்களில் இசையமைத்த எம். எஸ். ஜோன்ஸ் ரூபர்ட் இசையில் நான்கு அற்புதமான பாடல்கள் இடம் பெற்றுள்ளன.
தயாரிப்பு – C.எஸ். பதம்சந்த், C.அரியந்த் ராஜ் & ரஜினி கிஷன், இயக்கம் – எம். ரமேஷ் பாரதி, இசை – எம்.எஸ்.ஜோன்ஸ் ரூபர்ட், ஒளிப்பதிவு – என்.எஸ்.சதீஷ்குமார், எடிட்டிங் – ஆர்.கே.வினோத் கண்ணா, பத்திரிக்கை தொடர்பு – சதீஷ் (AIM)
சமீபத்தில் வெளியான இப்படத்தின் புதுமையான ஃபர்ஸ்ட் லுக் ரசிகர்களிடையே பெரும் வரவேற்பைப் பெற்றது.
காதலித்து ஓடும் ஒரு ஜோடி திருமணத்துக்காகப் பயணிக்கும்போது, எதிர்பாராத அமானுஷ்ய அனுபவங்களை சந்திக்கும் கதையை மையமாகக் கொண்டு, கலகலப்பாக உருவாகியுள்ள கமர்ஷியல் ஹாரர் காமெடி படம் இது.
இப்படத்தின் இசை மற்றும் டிரெய்லர் வெளியீட்டு விழா திரை பிரபலங்கள், ஊடக நண்பர்கள் மற்றும் படக்குழுவினர் முன்னிலையில் கோலாகலமாக நடைபெற்றது.
இந்த விழாவில் தயாரிப்பாளர் ஹெச். முரளி பேசும்போது, “இது எங்கள் குடும்ப விழா போல உணர்ந்தேன். செயின்ராஜ் சார் கிஷனை ஹீரோவாகப் பார்க்க வேண்டும் என்ற ஆசை கொண்டிருந்தார். அஷ்டகர்மா வெற்றிக்குப் பிறகு, ரஜினி கேங் ஒரு சிறந்த முயற்சி. சிறிய பட்ஜெட்டில் அழகாக உருவாகியிருக்கும் இந்தப் படத்துக்கு எனது வாழ்த்துக்கள்” என்றார்.
இயக்குநர்–தயாரிப்பாளர் திருமலை பேசும்போது, “கிஷன் அவர்கள் பல சவால்களை கடந்து ஹீரோவாக உயர்ந்துள்ளார். MISHRI ENTERPRISES தொடர்ந்து நல்ல படைப்புகளுக்கு ஆதரவளித்து வருகிறது. ரஜினி கேங் சிறந்த கதை கொண்ட படம் — கண்டிப்பாக வெற்றி பெறும்” என்றார்.
பாடகர் அந்தோணி தாசன் பேசும்போது, “இந்த வாய்ப்பை அளித்த இயக்குநர், தயாரிப்பாளர், இசையமைப்பாளர் ஜோன்ஸ் அவர்களுக்கு நன்றி. கிஷன் மிகுந்த அர்ப்பணிப்புடன் உழைத்துள்ளார். அவருக்கு பெரும் வெற்றி கிடைக்கட்டும்” என்றார்.
நடிகர் அஜய் பேசும்போது, “ரஜினி என்ற பெயருக்கு தனி பவரே இருக்கிறது. ரஜினி கேங் கண்டிப்பாக ஜெயிக்கும். இயக்குநர் ரமேஷ் பாரதி மிகுந்த திறமைசாலி. இந்த டீம் எனது கேங் போலவே நெருக்கமானவர்கள் — அனைவருக்கும் எனது மனமார்ந்த வாழ்த்துக்கள்.” என்றார்.
ஸ்டண்ட் இயக்குநர் ராஜேஷ் பேசும்போது, “ரஜினி கிஷன் சார் ஒரு ஆக்ஷன் ஹீரோ போல உழைத்தார். இப்படம் ரசிகர்களிடம் பெரும் வரவேற்பு பெறும்.” என்றார்.
பாடகி தீப்தி சுரேஷ் பேசும்போது, “இசையமைப்பாளர் ஜோன்ஸ் உடன் பத்து வருடங்களாக இணைந்து பணியாற்றுகிறேன். இந்தப் படத்தின் பாடல்கள் அனைவருக்கும் பிடிக்கும். படம் பெரிய வெற்றி பெற வாழ்த்துக்கள்..” என்றார்.
பாடலாசிரியர் நவீன் பாரதி பேசும்போது, “இப்படத்தில் ஒரு பாடல் எழுதியுள்ளேன். வாய்ப்பு அளித்த அனைவருக்கும் நன்றி.” என்றார்.
இசையமைப்பாளர் ஜோன்ஸ் ரூபர்ட் பேசும்போது, “இப்படம் எனக்கு ஒரு அழகான அனுபவம். டீமாக அனைவரும் அற்புதமாக உழைத்தனர். ரசிகர்கள் படத்தை ஆதரிக்க வேண்டும்.” என்றார்.
நடிகர் முனீஷ்காந்த் பேசும்போது, “ரமேஷ் பாரதி அண்ணன் கடுமையாக உழைத்தார். மொட்டை ராஜேந்திரன், கூல் சுரேஷ், கல்கி உள்ளிட்ட பலர் நடித்துள்ளனர். இசை அற்புதமாக இருக்கிறது. படம் கண்டிப்பாக மக்களுக்கு பிடிக்கும்.” என்றார்.
நடிகர் கூல் சுரேஷ் பேசும்போது, “இப்படத்தில் நான் இரண்டாவது நாயகன். படப்பிடிப்பில் அனைவரும் அற்புதமாக உழைத்தனர். ஹீரோயின் திவிகா மிக நன்றாக நடித்துள்ளார். படம் கண்டிப்பாக வெற்றி பெறும்.” என்றார்.
நாயகி திவிகா பேசும்போது, “ரஜினி கேங் எனக்கு மனதிற்கு நெருக்கமான படம். இயக்குநர் ரமேஷ், ஹீரோ ரஜினி கிஷன் இருவரும் மிகுந்த ஆதரவு தந்தனர். எல்லோரும் நட்பாக உழைத்தார்கள். ரசிகர்கள் படத்தை ஆதரிக்க வேண்டும்.” என்றார்.
நடிகர் ரஜினி கிஷன் பேசும்போது, “ரஜினி கேங் எனது மூன்றாவது படம். இயக்குநர் ரமேஷ் பாரதி மூன்று கதைகள் சொன்னார். இதில் காமெடி கதையை தேர்வு செய்தோம். தயாரிப்பு, நடிப்பு இரண்டையும் நாமே மேற்கொண்டோம். ஜோன்ஸ் மூன்று அட்டகாசமான பாடல்கள் தந்துள்ளார். ஒளிப்பதிவாளர் சதீஷ், மேனேஜர் சந்துரு உள்ளிட்ட அனைவரும் அர்ப்பணிப்புடன் உழைத்தனர். படம் கண்டிப்பாக மக்களுக்கு பிடிக்கும்.” என்றார்.
இயக்குநர் எம். ரமேஷ் பாரதி பேசும்போது, “ரஜினி கேங் ஒரு முழுமையான குடும்ப எண்டர்டெயினர். ஹாரர், காமெடி, எமோஷன் எல்லாம் கலந்த படம் இது. ஒளிப்பதிவாளர் சதீஷ், எடிட்டர் வினோத், இசையமைப்பாளர் ஜோன்ஸ் ஆகியோர் இந்தப் படத்தின் பலம். ‘ரஜினி’ என்ற பெயர் பவரானது — அதுபோல படமும் உறுதியாக மக்களுக்கு பிடிக்கும்.” என்றார்.
