Lark Studios சார்பில் K. குமார் தயாரிப்பில், நடிகர் சூரி கதை நாயகனாக நடிக்கும் அடுத்த திரைப்படத்தை, ‘விலங்கு’ வெப் சீரிஸ் புகழ் இயக்குநர் பிரசாந்த் பாண்டியராஜன் இயக்குகிறார். இப்படத்தில் சூரிக்கு ஜோடியாக முன்னணி நடிகை ஐஸ்வர்யா லக்ஷ்மி நடிக்கிறார். நடிகர் ராஜ்கிரணும் ஒரு முக்கியக் கதாப்பாத்திரத்தில் நடிக்கிறார்.
இப்படத்திற்கு ‘மாமன்’ என்று பெயரிடப்பட்டுள்ளது. இன்று, படக் குழுவினருடன் திரை பிரபலங்கள் கலந்துகொள்ள மிகக் கோலகலமாக பூஜையுடன், இந்தப் படத்தின் படப்பிடிப்பு இனிதே துவங்கியது.
‘கருடன்’ படத்தின் பிரம்மாண்ட வெற்றிக்குப்பிறகு, Lark Studios தயாரிப்பில், சூரி நடிக்கும் இரண்டாவது திரைப்படம் இதுவென்பது குறிப்பிடதக்கது.
‘விலங்கு’ வெப் சீரிஸ் மூலம் கவனம் ஈர்த்த இயக்குநர் பிரசாந்த் பாண்டியராஜ், குழந்தைகள் முதல் பெரியவர்கள் வரை அனைவரும் ரசிக்கும் வண்ணம், அனைத்து அம்சங்களும் நிறைந்த கமர்ஷியல் படமாக இப்படத்தை உருவாக்குகிறார்.
எழுத்து, இயக்கம் – பிரசாந்த் பாண்டியராஜ், தயாரிப்பு – K. குமார், தயாரிப்பு நிறுவனம் – Lark Studios, இசை – ஹேசம் அப்துல் வஹாப், ஒளிப்பதிவு – தினேஷ் புருஷோத்தமன், கலை இயக்கம் – G.துரைராஜ், படத்தொகுப்பு – கணேஷ் சிவா, சண்டைப் பயிற்சி – மகேஷ் மேத்யூ, பத்திரிக்கை தொடர்பு – யுவராஜ்.
